Kwa mujibu wa taarifa ya Shirika la Habari la Hawza, kutoka Tehran, Sekretarieti ya Baraza Kuu la Usalama wa Taifa imetoa taarifa kuhusu kulazimisha kusitishwa kwa vita kwa adui wa Kizayuni na waungaji mkono wake wa kishetani, ambapo matini ya taarifa hiyo ni kama ifuatavyo:

Bismillāhir-Rahmānir-Rahīm
"Hakika wale waliosema: Mola wetu ni Allah, kisha wakasimama imara, hawatakuwa na khofu juu yao, wala hawatahuzunika."
Surat al-Ahqāf, Aya ya 13

Taarifa ya Sekretarieti ya Baraza Kuu la Usalama wa Taifa kuhusu kulazimishwa kusitishwa kwa vita kwa adui Mzayuni na waungaji mkono wake wa kishetani – Kwa Wananchi Wenye Hadhi na Waliosimama Imara wa Iran

Kufuatia hujuma ya adui Mzayuni, watoto wenu mashujaa na waliotoa roho zao muhanga katika vikosi vya ulinzi vya Jamhuri ya Kiislamu ya Iran walijibu wito wa Kiongozi Mkuu wa Mapinduzi ya Kiislamu na Amiri Jeshi Mkuu kwa ujasiri wa mfano, na kwa kila uovu wa adui walijibu kwa pigo kali, ambapo katika hujuma ya mwisho, kambi ya Marekani ya Al-Udeid na baadaye maeneo yote ya ardhi zinazokaliwa kwa mabavu yalilengwa na mashambulizi ya makombora.

Uchambuzi wa hali, maarifa ya wakati, mapambano, mshikamano na umoja wa ajabu wenu ninyi wananchi ulivuruga mkakati mkuu wa adui na kuandaa uwanja ambapo kusimama imara kwa wapiganaji wa Uislamu na nguvu yao ya kushangaza – iliyopatikana kupitia miaka ya jihadi ya ubunifu, ubunifu wa kiteknolojia na ufuatiliaji usioacha – ilitumiwa kwa kipindi cha siku 12 za mapambano ya damu na uongozi, na kila uvamizi ulijibiwa kwa wakati mwafaka na kwa kipimo sahihi.

Zawadi ya Mwenyezi Mungu kwa ufahamu huu wa kina na mwenendo wenye maana wa taifa, kwa hekima ya uongozi na juhudi za wapiganaji, ilikuwa ni msaada na ushindi ulioyalazimisha majeshi ya adui kujuta, kukubali kushindwa na kusimamisha mashambulizi yao upande mmoja.

Kwa msingi huo, tunawafahamisha wananchi wakubwa na mashujaa wa Iran ya Kiislamu kwamba vikosi vya ulinzi vya Jamhuri ya Kiislamu ya Iran, bila kuwa na imani hata kidogo kwa maneno ya maadui, viko tayari, vikiwa vimejiandaa kulila kisasi, kujibu kwa nguvu na kwa njia ya kuleta majuto kwa adui yeyote atakayefanya hujuma.

وَما النَّصرُ إِلّا مِن عِندِ اللَّهِ العَزِيزِ الحَكيم.

“Na hakuna ushindi isipokuwa ni kutoka kwa Mwenyezi Mungu, Aliye Mwenye nguvu na Mwenye hekima.”